مێرسین.. سرووشتی دڵرفێنی تاڤگەی یەرکۆپرو

مێرسین- AA

تاڤگەی یەرکۆپرو کە دەکەوێتە شارۆچکەی موت سەربە پارێزگای مێرسین و لە لایەن بەڕێوەبەرایەتی گشتیی پارکە نیشتمانییەکان و پاراستنی سرووشتەوە وەک ''مۆنومێنتی سرووشت" تۆمارکراوە، دەبێتە مەنزڵی ئەوانەی کە دەیانەوێت ئامێزانی سرووست بن و پشووەکانیان لەنێو کەشێکی دڵڕفێندا بەسەربەرن.

تاڤگەکە ٣٠ کیلۆمەتر لە ناوەندی شارۆچکەی موت-ەوە دوورە و لە بەرزایی ٣٠ مەترەوە دێتە خوارەوە. بە هۆی سرووشتی دەست لێنەدراوییەوە شوێنێکی جێگەی بایەخی گەشتیارانە. چەمی بەردەم تاڤگەکە ٣٠٠ مەتر درێژ و ١٥ مەتر قووڵە و رەنگێکی شینی فەیروزی جوانی هەیە.