قەرس – AA
لە هەزار و ٣٨٣ەمین ساڵوەگەڕی کۆمەڵکوژی نەوەی حەزرەتی محەمەد، ئیمامی حوسێن و هاوەڵانی لە کەربەلا، رێوڕەسمێک لە شاری قەرس رێک خرا.
دوای مردنی یەکەمین خەلیفەی دەوڵەتی ئەمەوی، معاویەی ئەبو سوفیان لە بیابانی کەربەلا لە نزیک شاری کوفە لە عێراق، یەزیدی کوڕی معاویە داوای لە ئیمامی حوسێن کرد بەیعەتی پێ بدات، ئەمەیش رووداوی ناخهەژێنی لێ کەوتەوە و تەواوی باوەڕداران و ئەوانەی حەزرەتی محەمەد و کەسوکاری ئەویان خۆش دەوێت بە قوڵی بریندار کرد.
بەهۆی ئەوەی رۆژی ١٠ مانگی موحەڕەم کە رۆژی عاشوورایە ئیمامی حوسێن و هاوەڵانی شەهید کراون، ئەم رۆژە وەک "رۆژی ماتەمینی" ناسێندراوە و ساڵانە لەم رۆژەدا یادی شەهیدانی کەربەلا دەکرێتەوە.
لەم رۆژەدا گرووپێکی نزیکەی ١٠ هەزار کەسی کە لە بەردەم مزگەوتی ئیمامی عەلی لە قەرس کۆبوونەوە بە بەرزکردنەوەی ئاڵای تورکیا، وێنەی ئەتاتورک و ئیمامی عەلی چالاکییەکیان ئەنجام دا.
بەشداربووانی چالاکییەکە تاکوو بەردەم مزگەوتی ئەهلیبەیت لە شەقامی فائیقبەی بەدەم رێپێوانەوە لە سنگی خۆیان دا و بە زنجیر لە جەستەی خۆیان دەدا.
ژمارەیەک لە هاووڵاتییان فرمێسکیان رشت و ژنانیش کە جلوبەرگی رەشیان پۆشیبوو بە بەدەستەوەگرتنی شیری دوو دەم بەشدارییان لە چالاکییەکەدا کرد.
دارەمەیتی هێمایی کە لەسەری نووسرابوو "حەزرەتی عەلی ئەسغەر (رەزای خوای لێ بێت)" لەلایەن منداڵانی بەشداربوو لە رێپێوانەکە بووە جێی سەرنج.
