لێدوانەکانی ئەردۆغان لەبارەی سیستەمی نوێی تورکیا

ئەنتاڵیا - AA
سەرکۆماری تورکیا رەجەب تەیب ئەردۆغان، لەبارەی سیستەمی حوکمڕانی سەرۆکایەتییەوە، رایگەیاند: "لەگەڵ ئەو سیستەمەدا گەورەترین بەرھەڵستی داوای گۆڕانکاریی تورکیا کە بیرۆکراتیەتی ئۆلیگارشی و وەسایەتە ھێزی تەواوەتیان لەناو دەچێت. ئەھا دەڵێن دیموکراسی پەرلەمانی، ئەوە خۆی لە راستیدا سیستەمی وەسایەتە. چونکە ئێستا نێوقەدی ئەو سیستەمە دەشکێت بۆیە ھەراسانن".سەرکۆماری تورکیا رەجەب تەیب ئەردۆغان بەشداری لە رێوڕەسمی کردنەوەی کۆمەڵە پڕۆژەیەک لە شاری ئەنتاڵیا کرد و وتارێکی بۆ کۆبوونەوەیەکی جەماوەری پێشکەش کرد.
ئەردۆغان باسی لە گشتپرسی ١٦ی نیسانی وڵاتەکەی کرد و گوتی: "بێگومان ١٦ی نیسان مۆتەکەیە بۆ ئەوانەی پارەی ناو باخەڵی گەلیان دزیووە، ھێزێکیان بەناڕەوایی بەکارھێناوە و دەسەڵاتی ھاوتەیبیان درووستکردووە، لەبەرئەمە نایانەوێت. بەڵام سیستەمی حوکمڕانی سەرۆکایەتی گرێنتی کەشێکی سەقامگیر و ئاسایشە و تورکیا دەگەیەنێتە ئامانجەکان بۆ ساڵی ٢٠٢٣ کە بوونییەتی بەیەکێک لە ١٠ وڵاتە ھەرە ئابووری گەشەکردووەکان لەسەر ئاستی جیھان. ١٦ی نیسان رۆژی ئاھەنگ و جەژنە".
ھاوکات ئەردۆغان لەبارەی وتەکانی سەرۆکی گشتی جەھەپە کەمال کڵچدارئۆغڵو گوتی : "کڵچدارئۆغڵو دەڵێت '١٠٠ دانە یاریدەدەر بۆ خۆی دادەمەزرێنێت، ٥٠٠ دانە وەزیر دادەمەزرێنێت'. تکایە ئەم درۆیانە لەگەڵ گەل مەکە. شتێکی بەم شێوەیە نابێت. کاتێک ئێمە ھاتینە سەر دەسەڵات حکوومەت لە ٣٦ وەزیر پێکھاتبوو. ئێمە ئەم ژمارەیەمان بۆ ٢٥ وەزیر کەمکردەوە. راستگۆبە راستگۆ. ئێمە وانەی زۆرمان لە کەرتی تایبەت وەرگرت. ئەم کارانە باش دەزانین. ئاشکرایە کە ئێمە لە ماوەی ١٤ ساڵ گەیشتینە کوێ. بەڵام تۆ لەم کارانە تێناگەیت. پێویستە زیاتر کار بکەیت. ئەم شتانە بەژیرانە ئەنجام دەدرێت. سەرکۆمار تەنھا یەک یان دوو یان سێ جێگری دەبێت. ژمارەی وەزیرەکان نزیک لەم ژمارەی ئێستا دەبێت. بەپێی پێویست کەم و زیاد دەکرێت".