وەزارەتی دەرەوەی تورکیا خۆپیشاندانەکەی سویسرای پرۆتێستۆ کرد

ئەنقەرە - AA

وەزارەتی دەرەوەی تورکیا، جێگری باڵیۆزی سویسرای لە ئەنقەرە بانگھێشت کرد و ناڕەزایەتی بەرامبەر ئەنجامدانی خۆپیشاندان لەلایەن رێکخراوی تیرۆریستی لە شاری بێرنی سویسرا نیشاندا کە تێدا ئەردۆغان بە ئامانج گیرابوو.

خۆپیشاندانی لایەنگرانی پەکەکە لە شاری بێرنی وڵاتی سویسرا و بە ئامانج گرتنی سەرکۆماری تورکیا رەجەب تەیب ئەردۆغان، کاردانەوەی ئەنقەرەی بەدوای خۆیدا ھێنا.

لە خۆپیشاندانەکەدا وێنەی ئەردۆغان لەگەڵ چەکێک کە ئاراستەی سەری کرابوو ھەڵگیرا و دروشمی "ئەردۆغان بکوژن" لەسەر وێنەکە نووسرابوو.

بەھۆی ئەوەی باڵیۆزی سویسرا لە ئەنقەرە واڵتەر ھافنەر لە دەرەوەی شار بووە، جێگرەکەی بانگھێشتی وەزارەت کرا و نارەزایەتی لە دژی خۆپیشاندانەکەی لایەنکرانی پەکەکە لە سویسرا نیشاندرا.

چاوەڕێی ئەوە دەکرێ کە وەزارەتی دەرەوەی تورکیا راگەیەندراوێکی نووسراو لەمبارەیەوە بڵاو بکاتەوە.