كۆبوونه‌وه‌ی نائاسایی ئه‌نجوومه‌نی باڵای دادوه‌ران و داواكارانی گشتیی توركیا ده‌ستیپێكرد

به‌مه‌به‌ستی هه‌ڵبژاردنی ئه‌ندامانی دادگای باڵا و ئه‌نجوومه‌نی شوورا، ئه‌نجوومه‌نی باڵای دادوه‌ران و داواكارانی گشتیی توركیا به‌ سه‌رۆكایه‌تیی سه‌رۆكی ئه‌نجوومه‌نه‌كه‌ و وه‌زیری داد به‌كر بۆزداغ كۆبووه‌وه‌.

ئه‌نجوومه‌نی باڵای دادوه‌ران و داواكارانی گشتیی توركیا به‌مه‌به‌ستی هه‌ڵبژاردنی ئه‌ندامانی دادگای باڵا و ئه‌نجوومه‌نی شوورا كۆبوونه‌وه‌یه‌كی نائاسایی ئه‌نجامدا.

کاتژمێر٩:٣٠ به‌كاتی ناوخۆی توركیا كۆبوونه‌وه‌كه‌ به‌ سه‌رۆكایه‌تیی بۆزداغ له‌ سه‌رۆكایه‌تیی ئه‌نجوومه‌نی باڵای دادوه‌ران و داواكارانی گشتی ده‌ستیپێكرد كه‌ 17 ئه‌ندامی ئه‌نجوومه‌نه‌كه‌ تێیدا به‌شدارن .

كۆبوونه‌وه‌كه‌ به‌داخراوی و دوور لە چاوی مێدیاكاندا به‌ڕێوه‌ده‌چێت. پێشتر و له‌چوارچێوه‌ی لێكۆڵینه‌وه‌كان له‌ هه‌وڵی كوده‌تا له‌ توركیا، پێنج ئه‌ندامی ئه‌نجوومه‌نه‌كه‌ ده‌ستگیركرابوون.