فاتیح دۆنمەز: "لە ئادانا دەستمان بە هەڵکەندن لە بیرێکی دیکە کردووە"

ئەنقەرە - AA

وەزیری وزە و سەرچاوە سروشتییەكانی توركیا، فاتیح دۆنمەز بووە میوانی دیسکی سەرنووسەرانی ئاژانسی ئانادۆڵو و لەبارەی رۆژەڤەكانەوە وەڵامی پرسیارەكانی دایەوە.

فاتیح دۆنمەز لەبارەی بەرەوپێشبردنی كەرتی نەوت لە دەریای ناوەڕاست گوتی: "دەکرێت لە دەریای ناوەڕاست و لە دەریای رەشیش هاریکاریی لەگەڵ کۆمپانیا نێودەوڵەتییەکان بکەین، لەو رووەوە کراوەین".

وەزیری وزە و سەرچاوە سروشتییەکانی تورکیا هەروەها رایگەیاند، "دەستمان بە هەڵکەندن لە بیرێکی دیکە لە ئادانا کردووە، ئامانجمان چوار هەزار و ٥٠٠ مەترە".