سەرکۆماری تورکیا ئەردۆغان توشی کۆرۆنا بووە

ئیستانبوڵ- AA

سەرکۆماری تورکیا، رەجەب تەیب ئەردۆغان لە هەژماری تایبەتی خۆی لە تۆڕی کۆمەڵایەتی تویتەر ئەوەی ئاشکرا کرد کە پشکنینی کۆرۆنای ئەنجامداوە و پشکنینەکەی پۆزەتیڤ بووە.

ئەردۆغان، نوسیوویەتی: "ئەمڕۆ بەهۆی هەندێک نیشانەی سووکەوە خۆم و هاوسەرەکەم پشکنینی کۆرۆنامان ئەنجامدا و ئەنجامی پشکنینەکەمان پۆزەتیڤ بوو.

سوپاس بۆ خوا وەک دەزانین شەپۆلی ئۆمیکرۆن بە سوکی تێدەپەڕێت. لەبەر ئەوە بەردەوام دەبین لە ئەرکەکانمان و لە مالەوە کارەکانمان رادەپەڕێنین".