Ankara
ئەنقەرە - AA
سەرکۆماری تورکیا و سەرۆکی گشتیی ئاک پارتی، ڕەجەب تەیب ئەردۆغان ڕایگەیاند: "هەر چۆن ماوەی هەزار ساڵە لەسەر خاکی نیشتمان کە بە خوێنی شەهیدان ئاودراوە بەڕوویەکی سپی و سەربەرزانە بە ئازادی ژیاوین، پشتیوان بە خودا تا قیامەت هەر بە ئازادی دەژین".
لە میانی کۆبوونەوەی فراکسیۆنی ئاک پارتی لە پەرلەمانی تورکیا، سەرکۆمار ئەردۆغان گوتارێکی پێشكهش کرد.
لە گوتارەکەیدا سەرکۆمار ئەردۆغان جەختی لەسەر ڕەسانەیەتیی کردەوە و، ڕایگەیاند: "هەرگیز پشت لە ڕەسەنایەتی و باوباپیرانمان ناکەین. کێ هەرچی دەڵێت با بیڵێت و هەر بەیاننامەیەک بڵاودەکەنەوە بابیکات، ئێمە بە توندی پابەندین بەو خەسڵەتانەی ئێمەیان دروستکردووە".
گوتیشی: "ڕێگە نادەین هیچ بەدخوازێکی ناوخۆیی و دەرەکی زیان بەم خەسڵەتانە بگەیەنێت، ئیرادەمان تێکبشکێنێت و ئەم گەلە بکاتە دیلی ترسە ساختە و وەهمییەکان".
سەرکۆمار ئەردۆغان باسی لە گرنگیی پاراستنی مافەکانی ولات کردەوە و، ڕایگەیاند: "هەر ٨٦ ملیۆنەکەمان هەموو بەیەکەوە بە گیانمان پارێزگاری لە مافی یەکتر و مافەکانی کۆماری تورکیا دەکەین".
ڕاشیگەیاند: "وەک تورکیا وڵاتێک نین بەرامبەر ئەو قەیرانانەی لە دەوروبەرماندا هەن بێباک بین، یان لە کاتی قەیرانەکاندا پشت لە دۆست و برایانمان بکەین".
— وەک چۆن تەماشای تەواوی ناوچەکەمان دەکەین، بە هەمان شێوە لە گەلی ئێرانی برامان دەڕوانین و، هیچ کاتێک بەو شێوەیە لێمان نەڕوانیوە و ناڕوانین کە ئەمە شیعەیە، ئەمە سوننەیە، ئەمە تورکە، ئەمە کوردە
— لای ئێمە هیچ جیاوازییەک لە نێوان تورک، کورد، عەرەب، شیعە و سوننەدا نییە؛ ئەوەی بۆ… pic.twitter.com/p0ycCyngSH
سەرکۆمار ئەردۆغان تیشکی خستە سەر گرنگیی دیپلۆماسیی لە چارەسەرکردنی کێشەکاندا و، ڕایگەیاند: "پێش ئەوەی ئەم جەنگە گەورەتر بێت و هەموو ناوچەکە بسووتێنێت، دەبێت ڕابگیرێت. ئەگەر دەرفەت بە دیپلۆماسی بدرێت، ئەوا سەرکەوتن لەمەدا زۆر گونجاوە".
گوتیشی: "ئارامگرانە بەردەوامین لە هەوڵ و دەسپێشخەرییەکانمان لە پێناو سەرلەنوێ گەڕانەوە بۆ سەر مێزی گفتوگۆ و دانوستان و کاراکردنەوەی دیپلۆماسیی".
هەروەها سەرکۆمار ئەردۆغان هۆشداری دا لە کەوتنە ناو شەبەکەی کۆمەڵکوژیی زایۆنی و ، ڕایگەیاند: "نابێت بە هیچ شێوەیەک بکەوینە ناو یاری شەبەکەی کۆمەڵکوژیی زایۆنییەوە کە دەیەوێت کەرەستەی کەسێک بەکار بهێنێت بۆ پێکانی ئامانجێکی دیکە".
ڕاشیگەیاند: "ئەم گەلە لەو هێز، ورە، توانا و دەسەڵاتەدایە کە چۆن لە ڕابردوودا کردوویەتی ئەمڕۆ و سبەینێش بە ئیرادە و بوێرییەکی پۆڵایینەوە ئەو دەستە بشکێنێت کە درێژدەبێت بۆسەر پیرۆزیەکانی. ڕێکاریی پێویست بەرامبەر ئەو سیناریۆ خوێناوییانە دەگرینەبەر کە دەیانەوێت لە ناوچەکەماندا جێبەجێیان بکەن، بە تایبەت شەڕی مەزهەبی".
