سێرت ... تەقینەوەی بۆمبێکی چێنراو پێنج قوربانیی لێکەوتەوە

بۆمبێك کە لەلایەن چه‌كدارانی په‌كه‌كه‌وە له‌سەر رێگایه‌ك لە ئەروح چێنرابوو، به‌ پاسێكدا ته‌قییه‌وه‌ كه‌ ژماره‌یه‌ك گوندپارێزی هه‌ڵگرتبوو. له‌ئه‌نجامی تەقینەوەکەدا پێنج گوندپارێزی کاتیی برینداربوون.

به‌پێی ئه‌و زانیارییانه‌ی ده‌ست ئاژانسی ئانادۆڵو کەوتوون، له‌سه‌ر رێگای سێرت - شرنەخ بۆمبێك كه‌ پێشتر له‌لایه‌ن چه‌كدارانی په‌كه‌كه‌وه‌ چێنرابوو به‌ پاسێكدا ته‌قییه‌وه‌ كه‌ ژماره‌یه‌ك گوندپارێزی تێدابوو و له‌ ئه‌ركه‌كانیان ده‌گه‌ڕانه‌وه‌.

له‌ئه‌نجامی ته‌قینه‌وه‌كه‌دا پێنج گوندپارێزی كاتیی برینداربوون و ده‌ستبه‌جێ گه‌یه‌نرانه‌ نه‌خۆشخانه‌ی ئەروح.

هه‌وڵه‌كانیش بۆ ده‌ستگیركردنی ئه‌و چه‌كدارانه‌ی بۆمبه‌كه‌یان چاندووه‌ به‌رده‌وامه‌.

هه‌ر به‌هۆی ته‌قینه‌وه‌كه‌وه‌ تۆڕی ئاوی شارۆچكه‌كه‌ زیانی به‌ركه‌وتووه‌ و تیمه‌ په‌یوه‌ندیداره‌كان سه‌رقاڵی چاككردنه‌وه‌ین.