سوپای توركیا دووه‌مین ده‌وریه‌ له‌ منبج ئه‌نجامده‌دات

منبج/ئه‌نقه‌ره‌ - AA

له‌چوارچێوه‌ی چالاكییه‌كانی داماڵینی منبج له‌ رێکخراوی تیرۆریستی یه‌په‌گه‌/په‌كه‌كه‌، سه‌ربازانی سوپای توركیا ده‌ستیانکرد به‌ دووه‌مین گه‌ڕان و ده‌وریه‌ له‌ شارۆچكه‌كه‌دا.

به‌پێی ئه‌و زانیاریه‌ی ده‌ست په‌یامنێری ئاژانسی ئانادۆڵو كه‌وتووه‌، زرێپۆشه‌كانی سوپای توركیا چوونه‌ ده‌ورووبه‌ری زێی ساجو كه‌ به‌ره‌ی پێشه‌وه‌ی منبج و شارۆچكه‌ی جه‌رابلوسی ناوچه‌ی ئۆپه‌راسیۆنی قه‌ڵغانی فورات له‌ یه‌كتری جیاده‌كاته‌وه‌.

سه‌ربازانی سوپای توركیا و ئه‌مریكا له‌ یه‌ك كاتدا له‌ به‌رامبه‌ر شارۆچكه‌ی دادات چالاكی ده‌وریه‌ ئه‌نجام ده‌ده‌ن كه‌ بنكه‌ سه‌ربازییه‌كانی لێیه‌.