سووریا.. ٢١ تۆن میوه‌ به‌ سه‌ر ئاواره‌بووانی كه‌مپه‌كاندا دابه‌ش كرا

كلیس – AA

وه‌قفی هاوكاریی مرۆیی ماف و ئازادییه‌كانی مرۆڤ İHH ٢١ تۆن میوه‌ی به‌سه‌ر ئه‌و خانه‌وادانه‌دا دابه‌ش كرد كه‌ له‌ كه‌مپه‌كانی باكووری سووریادا گیرساونه‌ته‌وه‌.

به‌رپرسی راگه‌یاندنی هۆبه‌ی كلیسی وه‌قفه‌كه‌، یه‌عقوب ئاڵاجا رایگه‌یاندووه‌، ٢١ تۆن میوه‌یان به‌سه‌ر ئه‌و خانه‌وادانه‌دا دابه‌ش كرد كه‌ له‌ كه‌مپه‌كانی گونده‌واری باب، جه‌رابلوس و عه‌زاز گیرساونه‌ته‌وه‌.

ئاڵاجا له‌ راگه‌یه‌ندراوه‌كه‌یدا تیشكی خستۆته‌ سه‌ر ئه‌وه‌ی میوه‌كه‌ له‌لایه‌ن جووتیارانی خێرخوازه‌وه‌ ره‌وانه‌ كراوه‌ و نووسیوویه‌تی: "میوه‌مان به‌سه‌ر نزیكه‌ی حه‌وت هه‌زار خانه‌واده‌دا دابه‌ش كردووه‌، به‌مهۆیه‌وه‌ دڵی سه‌دان منداڵی بێباوك و دایك و منداڵی لێقه‌وماو خۆش بوو. خوا خێری جووتیاران بنووسێت".