سه‌ردانی چاوه‌ڕواننه‌كراوی ئه‌ردۆغان بۆ به‌شه‌ناوخۆییه‌ك

ئه‌نقه‌ره‌ - AA

سه‌ركۆماری توركیا ره‌جه‌ب ته‌یب ئه‌ردۆغان، دوای ئه‌وه‌ی خوێندكارێك له‌ تۆڕی كۆمه‌ڵایه‌تییه‌وه‌ بانگهێشتی ده‌كات، به‌شێوه‌یه‌كی چاوه‌ڕواننه‌كراو ده‌چێته‌ به‌شه‌ناوخۆییه‌كه‌یان و پارشێویان له‌گه‌ڵدا ده‌كات.

خوێندكارێك له‌ تۆڕێ كۆمه‌ڵایه‌تیی تویته‌ره‌وه‌ نووسیبووی،"به‌ڕێز سه‌ركۆمار، شه‌وێكیش سه‌ردانی به‌شه‌ناوخۆییه‌كه‌ی ئێمه‌ حوسه‌ین غازیت بكردایه‌ و بۆ پارشێو میوانی ئێمه‌ بوویتایه‌؟!"، ئه‌ردۆغانیش له‌وه‌ڵامدا نووسیی، "ئه‌گه‌ر چایەكه‌تان ئاماده‌یه‌ دێم".

ئه‌ردۆغان به‌شێوه‌یه‌كی چاوه‌ڕواننه‌كراو سه‌ردانی به‌شه‌ناوخۆییه‌كه‌ی كرد و خوێندكاری به‌شی ددانسازیی زانكۆی یڵدرم بایه‌زیدی ئه‌نقه‌ره‌ گونگۆر ئه‌تاك كه‌ بانگهێشه‌كه‌ی كردبوو، ده‌رگای لێكرده‌وه‌.

دواتر ئه‌ردۆغان له‌گه‌ڵ ئه‌تاك و خوێندكارانی هاوڕێیدا چوونه‌ چێشتخانه‌ی به‌شه‌ناوخۆییه‌كه‌ و پێكه‌وه‌ پارشێویان كرد.

دواتر ئه‌ردۆغان گوته‌یه‌كی پێشكه‌شی خوێندكاره‌كان كرد و خۆشحاڵیی خۆی به‌ به‌شداریكردنی پارشێوه‌كه‌یان ده‌ربڕی.