دیاربەکر.. پۆلیس هەڵمەتی گەڕانی بۆسەر دوو مەڵبەندی هەدەپە ئەنجامدا

دیاربەکر- AA

لە چوارچێوەی لێکۆڵینەوە لە تیرۆر لە شاری دیاربەکر، هێزەکانی پۆلیس هەڵمەتی گەڕانیان بۆسەر بینای مەڵبەندی سەرەکی هەدەپە لە شاری دیاربەکر و مەڵبەندی پارتەکە لە شارۆچکەی یەنیشەهیر ئەنجامدا.

بە فەرمانی سەرۆکایەتی داواکاری گشتیی دیاربەکر و لەسەر بڕیاری دادگا هەڵمەتێکی گەڕان و پشکنین بۆسەر ئەو دوو مەڵبەندەی هەدەپە ئەنجامدرا.

لە میانی هەڵمەتەکەدا، دەست بەسەر بڕێکی زۆر بەڵگەنامەی رێکخراوەیی و کۆمەڵێک پۆستەری سەران و ئەندامانی رێکخراوی تیرۆریستیی پەکەکەدا گیرا.

هەروەها بەرپرسی مەڵبەندی شارۆچکەی یەنیشەهیر-ی هەدەپە و کەسێکی دیکە دەستگیرکران.