دیاربەکر.. قەدەغەکردنی هاتوچۆ لە حەوت گوند

دیاربەکر - AA

لە حەوت گوندی قەزاکانی لیجە، هانی و کۆجاکۆی سەربە پارێزگای دیاربەکر بەمەبەستی ئەنجامدانی ئۆپەراسیۆن بۆسەر چەکدارانی پەکەکە قەدەغەکردنی هاتوچۆ راگەیەنرا.

لەمبارەیەوە پارێزگای دیاربەکر راگەیەنراوێکی بڵاوکردووەتەوە و ئاماژەی بەوە داوە، بەمەبەستی لەناوبردنی چەکدارانی پەکەکە کە لەنێویاندا بەرپرسی باڵای پەکەکەیشی تیادان و خاپوورکردنی حەشارگە، پەناگە، کۆگا و سەنگەرە فڕۆکەشکێنەکانیان و دەستگرتن بەسەر کەلوپەلەکانیاندا ئۆپەراسیۆن لە گوندەوارەکانی لیجە، هانی و کۆجاکۆی ئەنجام دەدرێت.

لە راگەیانەراوەکەدا هاتووە بەمەبەستی پاراستنی هاووڵاتییانی سڤیل و ماڵ و گیانی هاووڵاتییان لە کاتژمێر ٠٥:٠٠ ئەمڕۆوە قەدەغەکردنی هاتوچۆ لە هەردوو گوندی گوچلو و گۆکچەی قەزای لیجە، گوندەکانی کرم، گۆمەچ و یایڤان لە قەزای هانی، هەردوو گوندی یازیکۆی و شەکاڵات لە قەزای کۆجاکۆی راگەیەنرا.