دایکانی دیاربەکر چاوەڕێن بە منداڵەکانیان شاد ببنەوە

دیاربەکر – AA

دایکانی دیاربەکر بە هۆی رفاندنی منداڵەکانیان بۆ چیا بەردەوامن لە گردبوونەوە لە بەردەم بارەگای لقی دیاربەکری هەدەپە بۆ شادبوونەوە بە رۆڵەکانیان.

هەزار و ٣٢٣ رۆژە گردبوونەوەی دایکان لە دیاربەکر بەردەوامە کە لە سێی ئەیلوولی ٢٠١٩ەوە دەستیان پێ کردووە بۆ شادبوونەوە بە رۆڵەکانیان و هەدەپەیش بە بەرپرسیار دەزانن لە رفاندنی جگەرگۆشەکانیاندا.​​​​​​​

دایکە ئەسمەر کۆچ کە بۆ شادبوونەوە بە زوبەیدەی کچی، بەشداری لە گردبوونەوەکەدا کردووە، گوتی: "٢٠ جەژنە رۆڵەکەی خۆمم نەبینیووەتەوە، دڵم بۆی دەسووتێت و تامەزرۆی دیداری ئەوم. تا بە جگەرگۆشەکەم شاد نەبمەوە واز ناهێنم".

کۆچ داوای لە کچەکەی کرد بگەڕێتەوە و خۆی رادەستی هێزە ئەمنییەکان بکات.

یوسف ئەردینچ ئاماژەی بەوە دا کە هەشت ساڵە کوڕەکەی نەبینیووە و گوتی: "کوڕەکەم لە زانکۆ دەیخوێند هەڵخەڵەتێندرا و رفێندرا بۆ چیا".

دایکە حەوا ئاسڵانیش کە بۆ شادبوونەوە بە ئازاد-ی کوڕی کە هەشت ساڵ لەمەوبەر و لە تەمەنی ١٧ ساڵییدا رفێندراوە، بەشداری لە گردبوونەوەکەدا کردووە و هیوای خواست بە دیداری کوڕەکەی شاد ببێتەوە.