پەرلەمانتارێکی هەدەپە سووکایەتی بە دایکانی دیاربەکر دەکات

دیاربەکر- AA

دایکانی دیاربەکر لە سێی ئەیلوولی ساڵی رابردووەوە، لەبەردەم بینای مەڵبەندی هەدەپە لە شاری دیاربەکر ئێشکیان گرتووە و داوای گەڕاندنەوەی منداڵەکانیان دەکەن کە لە ساڵانی رابردوودا رفێندراون بۆ شاخ.

لە ٤١٣مین رۆژی ئێشکگری دایکاندا، ژمارەیەک کادری هەدەپە سەردانی مەڵبەندی سەرەکی پارتەکەیان کرد و لەنێویشیاندا پەرلەمانتاری هەدەپە لەسەر بازنەی دیاربەکر، رەمزییە تۆسون هەبوو.

رەمزییە تۆسون لە میانی هاتنەدەرەوەی لە بینای مەڵبەندی هەدەپە سووکایەتی بە دایکانی دیاربەکر کرد و بەم هۆیەوە گرژی لەنێوان دایکان و پەرلەمانتارەکەدا دروست بوو، بەڵام لەلایەن پۆلیسەوە رێگری لە تەشەنەسەندنی گرژییەکە کرا.