تورکیا.. لە ھەفتەیەکدا ٢٧ تیرۆریست لە چالاکی خران

ئەنقەرە - AA

سوپای تورکیا بڵاوی کردەوە، لە ئاکامی ئۆپەراسیۆنەکانی ھەفتەی رابردوو لە ناوەوە و دەرەوەی وڵات، ٢٧ تیرۆریست لە چالاکی خراون.

وەزارەتی بەرگریی تورکیا زانیاری پێویستی لەبارەی چالاکییەکانی ٢١-٢٨ی کانوونی یەکەم و دیدار و کۆبوونەوەکانی وەزیری بەرگریی تورکیا، خولوسی ئەکار لە ناوەوە و دەرەوەی وڵات بڵاوکردەوە.

لە راگەیەندراوەکەدا ئاماژە بە بەرەنگاربوونەوەی رێکخراوە تیرۆریستییەکانی پەکەکە/کەجەکە/پەیەدە-یەپەگە و داعش کراوە و راگەیەنراوە کە لە ئۆپەراسیۆنەکانی سوپای تورکیا لە ناوەوە و دەرەوەی وڵات لە ماوەی ٢١-٢٨ی کانوونی یەکەم، ٢٧ تیرۆریست لە چالاکی خراون.

راشگەیەندرا کە دەستگیراوە بەسەر چەندین پارچە چەک و بڕێک تەقەمەنی و کەولوپەلی دیکە.

ھەر لە راگەیەندراوەکەی وەزارەتی بەرگریی تورکیا ئاماژە بەوەشکراوە کە چالاکییەکانی کشانەوەی رێکخراوە تیرۆریستییەکان لە منبج بەردەوامە و ئاماژە بەوەدراوە کە لە نزیکەوە چاودێری پێشھاتەکانی ناوچەکە دەکرێت.