Mehmet Tosun
17 مای,س 2021•نوێکردنەوە: 17 مای,س 2021
ئەنقەرە - AA
کۆی گشتیی وەرگرتنی دۆزی یەکەم و دۆزی دووەمی ڤاکسین، لە چوارچێوەی ھەڵمەتی بەرەنگاربوونەوەی ڤایرۆسی کۆرۆنای نوێ کە لەلایەن وەزارەتی تەندروستیی تورکیاوە بەڕێوەدەبرێت تاکو کاتژمێر ١٩:٤٥، گەیشتووەتە ٢٥ ملیۆن و ٧٩٥ ھەزار و ١٥٨ دۆز.
بەپێی ماڵپەڕی "covid19.saglik.gov.tr"ی سەر بە وەزارەتی تەندروستیی تورکیا، کە نوێترین ئاماری تایبەت بە ڤایرۆسی کۆرۆنا بڵاودەکاتەوە، تاکو کاتژمێر ١٩:٤٥ی رۆژی ١٦ی ئایار، ژمارەی یەکەم دۆزی وەرگیراوی ڤاکسین گەیشتووەتە ١٤ ملیۆن و ٩٥٩ ھەزار و ٦٦١ و دۆزی دووەمیش گەیشتووەتە دە ملیۆن و ٨٣٥ ھەزار و ١٥٨ دۆز.
بەم شێوەیە کۆی گشتی ئەو دۆزانەی کە وەرگیراون ٢٥ ملیۆن و ٧٩٥ ھەزار و ١٥٨ دۆز ڤاکسینە.
ئامارەکان لە سێ گەورەترین شاری تورکیا بەم شێوەیەیە:
لە ئیستانبوڵ، دۆزی یەکەمی ڤاکسین دوو ملیۆن و ٥٣٨ ھەزار و ١٥٩ و دۆزی دووەم یەک ملیۆن و ٧٢٦ ھەزار و ٤٣٥ ڤاکسین کە کۆی گشتیی دەکاتە چوار ملیۆن و ٢٦٤ ھەزار و ٥٩٤ دۆز ڤاکسین. لە ئەنقەرە، دۆزی یەکەمی ڤاکسین یەک ملیۆن و ٢١١ ھەزار و ٩١٢ و دۆزی دووەم ٨٧٦ ھەزار و ٧٨١، کۆی گشتی دوو ملیۆن و ٨٨ ھەزار و ٦٩٣ دوز ڤاکسین وەرگیراوە. لە ئیزمیر، دۆزی یەکەمی ڤاکسین یەک ملیۆن و ١٤ ھەزار و ٨٨٨ و دۆزی دووەم ٧٤٩ ھەزار و ٩٣١ دۆزە و کۆی گشتی یەک ملیۆن و ٧٦٤ ھەزار و ٨١٩ دۆز ڤاکسین وەرگیراوە.
