بێدەنگی باڵی بەسەر شەقامەکانی وان، مووش، بەدلیس و ھەکاریدا کێشاوە

وان - AA

لە چوارچێوەی رێوشوێنەکانی تایبەت بە بەرەنگاربوونەوەی ڤایرۆسی کۆرۆنا، لە سەرتاسەری تورکیا هاتوچۆ سنووردار کراوە، بەمهۆیەوە لە پاریزگاکانی وان، موش، بەدلیس و هەکاری شەقامەکان نوقمی بێدەنگی بوون.

لە چوارچێوەی سنووردارکردنەکاندا لە کاتژمێر نۆی شەو تا پێنجی بەیانی هاتوچۆ قەدەغە کراوە.

لە پاریزگای وان هێزە ئەمنییەکان بە شەقامەکاندا دەگەڕێن و سزای ماددی بۆ ئەو کەسانە دەنووسن کە لە کاتی قەدەغەکراودا لە دەرەوەن.

بەهەمان شێوە لە پارێزگای بەدلیس، شارەکە بەهۆی سنووردارکردنی هاتوچۆ کشوماتە.

هێزە ئەمنییەکان بەردەوام بە کۆڵانەکاندا دەگەڕێن و داوا لە هاووڵاتییان دەکەن لە ماڵەکانیاندا بمێننەوە.

رەوشەکە لە پارێزگای مووش بەهەمان شێوەیە و هاووڵاتییان پابەندن بە بڕیاری سنووردارکردنەکەوە، بەم هۆیەوە تەواوی شارەکە چۆڵ و بێدەنگە.

لەگەڵ دەرکردنی بڕیاری سنووردار کردنی هاتوچۆ شەقامەکانی هەکاری-ش چۆڵ بوون و بێدەنگی باڵی بەسەر شارەکەدا کێشاوە.