بوومەلەرزەیەک ئیدر دەهەژێنێت

ئەنقەرە - AA

سەرۆکایەتی ئیدارەی کارەسات و باری له‌ناكاوی توركیا (ئافاد) بڵاوی کردەوە کە بوومەلەرزەیەک بەگوڕی ٤،٤ پلە، پارێزگای ئیدر-ی هەژاندووە.

بەپێی ئەو زانیارییانەی کە لە ماڵپەری ئافاد-دا بڵاوکراونەتەوە، کاتژمێر ٠٢:٢٩، بوومەلەرزەیەک بەگوڕی ٤،٤ پلە کە ناوەندەکەی ئیدر بووە، روویداوە.

بوومەلەرزەكە لە قوڵايى ٦،٤٧ كيلۆمەتر روويداوە.

- لە ئیدر هاووڵاتییان چوونە سەر شەقامەکان

بوومەلەرزەکە کە ناوەندەکەی گوندی کاراگون نێوان ئیدر و شارۆچکەی بایەزید سەربە پارێزگای ئاگری بوو لە پارێزگاکانی دەورووبەر هەستی پێ کراوە

لە ئیدر هاووڵاتییان بە ترسەوە چوونە سەر شەقامەکان و رێوشوێنیان بەرامبەر روودانی بوومەلەرزەی بەهێزتر گرتەبەر. هەندێک لە هاووڵاتییان لەناو ئۆتۆمبێل و لەسەر شەقامە و قادرمەکان نووستن.

ئەرەن کاراگۆز کە یەکێکە لە دانیشتوانی شارەکە، باسی لەوە کرد کە لەکاتی بوومەلەرزەکەدا نووستووە و گوتی: ''لە خەومدا دەلەریمەوە، کاکم خەبەری کردمەوە و گوتی هەستە بوومەلەرزەیە. سەرمانسوڕما، چووینە خوارەوە و رامانکردە سەر شەقام''.

- بوومەلەرزەکە لە بایەزید بووە هۆی ترس و دڵەراوکێ

بەهۆی بوومەلەرزەکەوە کە لە پارێزگا و شارۆچکەکانی دەورووبەر هەستی پێ کرا لە شارۆچکەی بایەزید سەربە پارێزگای ئاگری هاووڵاتییان لە ترساندا چوونە دەرەوەی ماڵەکانیان.

هەندێک لە هاووڵاتییان لەنێو ئۆتۆمبێل و شەقامەکاندا رۆژیان کردەوە.