Rıdvan Korkulutaş,Metin Dere
10 کانوونی دووەم 2022•نوێکردنەوە: 11 کانوونی دووەم 2022
بینگۆل-AA
نافیه جاز تهمهن ٧٧ ساڵان كه له شارۆچكهی یهدیسوی بینگۆل دهژی، بههۆی كاریگهریی ئهو خهونهی له تهمهنی منداڵیدا بینیویهتی، ٦٧ ساڵه جلی سوور لهبهر دهكات.
ئهو ژنه كه خاوهنی ١١ منداڵ و ٢٣ نهوهیه، كاتێك تهمهنی ١٠ ساڵان بووه، پیاوێكی پیری ریشن هاتووهته خهونی و پێی وتووه تا دهمریت رهنگی سوور بپۆشه.
جاز كه كهوتووهته ژێر كاریگهریی خهونهكه، لهو رۆژهوه تا ئێستا جلوبهرگی سوور لهبهر دهكات.
ئهو كه ژیانی به رهنگی سوور نهخشاندووه، ههر له بلوزهكهی تا گۆرهوییهكانی، له تهنورهكهی تا پێڵاوهكانی، ههمووی سوورن و له پۆشاكهكانیدا دهستبهرداری ئهو رهنگه نابێت.
نافیه جاز له ناوچهكه به ژنه سوورپۆشهكه ناسراوه و سووریشه لهسهر ئهوهی تا كۆتایی تهمهنی سوور بپۆشێت.
- "كه مردم با كفنهكهم سوور بێت"
جاز له لێدوانێكدا بۆ پهیامنێری ئاژانسی ئانادۆڵو، باسی لهوه كرد، كه ناتوانێت به هیچ شێوهیهك دهستبهرداری پۆشاكه سوورهكانی ببێت و گوتی: "له خهونمدا باپیرهیهكی ریشدار پێی گوتم كه تا مردن پۆشاكی سوور بپۆشم. منیش ئهوهم وت كه پێی گوتم و لهبهرم كرد. لهوهتی بیرم دێت سور دهپۆشم. باپیریشم جلوبهرگی سووری بۆ دههێنام. له نهشتهرگهریش پێم گوتن جلوبهرگی سوورم بۆ بهێنن، ئهگهر نا نهشتهرگهی ناكهم. سور بووه به بهشێك له ژیانم".
