بارزانی و یڵدرم سەنگەرەکانی پێشمەرگەیان بەسەر کردەوە

سەرۆکوەزیرانی تورکیا بینالی یڵدرم بە یاوەری سەرۆکی هەرێمی کوردستان مەسعود بارزانی چیای زەرتک و هێزەکانی پیشمەرگەیان لە ناوچەکە بەسەر کردەوە و لەبارەی دوا پەرەسەندنەکانی شەڕ زانیارییان لە فەرماندەکانی پێشمەرگە وەرگرت.

یڵدرم بە یاوەری شاندێکی پایەبەرزی وڵاتەکەی رۆژی رابردوو گەیشتە بەغدا و دوای دیدار لەگەڵ بەرپرسانی عێراقی، بەرەو هەرێمی کوردستان بەڕێ کەوت.

سەرۆکوەزیرانی تورکیا سەرلەبەیانی ئەمڕۆ دوای دیدار و کۆبوونەوەکانی بەجیا لەگەڵ سەرۆکی هەرێمی کوردستان و سەرۆکوەزیرانی هەرێم، چیای زەرتک و هێزەکانی پیشمەرگەی بەسەر کردەوە.