ئەو بێچووە هەڵۆیەی لە پارێزگای دێرسم دۆزرایەوە خرایە ژێر چاودێرییەوە

دێرسم- AA

لە کێڵگەیەکی گوندی کۆپوزلەر سەر بە پارێزگای دێرسم، بێچووە هەڵۆیەک دۆزرایەوە، دواتر لەلایەن بەڕێوبەرایەتی پاراستنی سروشت و پاڕکە گشتییەکان خرایە ژێر چاودێرییەوە.

بێچووە هەڵۆکە لەلایەن هاووڵاتییەکەوە دۆزرایەوە و دەستبەجێ تیمەکانی بەڕێوبەرایەتی پاراستنی سروشت و پاڕکە گشتییەکانی دێرسم-ی لێ ئاگادار کردەوە.

تیمەکان سەردانی گوندەکەیان کرد و پشکنینی ڤێتەرنەرییان بۆ بێچووە هەڵۆکە کرد.

دوای دڵنیابوون لە تەندروستی، باڵندەکە خرایە ژێر چاودێرییەوە و، بڕیارە هەرکات توانی بفڕێت بگەڕێندرێتەوە بۆ ناو سروشتی ئەو ناوچەیەی کە لێی دۆزراوەتەوە.