ئەردۆغان: "یەکەم نموونەی ئۆتۆمبێڵی خۆماڵی لە ساڵی ٢٠١٩ ئامادە دەبێت"

بورسا - AA

سەرکۆماری تورکیا، رەجەب تەیب ئەردۆغان گوتی: ئێمە ئێستا باس لە "ئۆتۆمبێڵی خۆماڵی" دەکەین، ھاوکات جەھەپە ناڕەزایەتی ھەیە لەسەر ئەم پرسە، چی دەڵێ؟ دەڵێن "ئەردۆغان ٢٠ ساڵ لە دواوەیە"، بەرێز موحەرەم، تۆش شاگردی. تۆ ئاگەداری ئەوە نیت کە ئێمە چ جۆرە ئۆتۆمبێڵێک بەرھەم دەھێنین. ئێمی ئۆتۆمبێڵی کارەبایی بەرھەم دەھێنین بەرێز موحەەرم".

سەرکۆماری تورکیا، رەجەب تەیب ئەردۆغان لە خوانێکی بەربانگ کردنەوە لە شاری بورسا وتارێکی پێشکەش کرد.

ئەردۆغان گوتیشی: "ئێمە وەکو پارتی دەسەڵاتدار، ھەروەکو چۆن وزەی تورکیامان خستەگەڕ و ھەناردە، دامەزارندن و بەرھەمھێنانمان ئەنجامدا، بە ھەمان شێوە بە دیموکراسی راستەقینە لەو وڵاتە، یەکێتی نەتەوەیی و یەکریزی و گیانی ھاریکاریمان دەستەبەرکرد".

ئەردۆغان باسی لە دروستکردنی ئۆتۆمبێڵی دروستکراوی تورکیا کرد و گوتی: ئێمە ئێستا باس لە "ئۆتۆمبێڵی خۆماڵی" دەکەین، ھاوکات جەھەپە ناڕەزایەتی ھەیە لەسەر ئەم پرسە، چی دەڵێ؟ دەڵێن "ئەردۆغان ٢٠ ساڵ لە دواوەیە"، بەرێز موحەرەم، تۆش شاگردی. تۆ ئاگەداری ئەوە نیت کە ئێمە چ جۆرە ئۆتۆمبێڵێک بەرھەم دەھێنین. ئێمی ئۆتۆمبێڵی کارەبایی بەرھەم دەھێنین بەرێز موحەەرم".
ئەردۆغان رەخنەی لە پارتی ئۆپۆزسیۆنی وڵاتەکەی کرد و گوتی: "دەڵێن "رێگە نادەین کەناڵ ئیستانبوڵ دروست بکرێ"، بەڵام ئێمە دروستی دەکەین. بتانەوێ یاخود نەتانەوێ، دروستی دەکەین".

سەرکۆماری تورکیا ئەردۆغان لەبارەی ھەڵبژاردنەکانی ٢٤ی حوزەیرانی داھاتووی وڵاتەکەی گوتی: "لەو باوەڕەیەدام جارێکی دیکەش گەلەکەمان لەو ھەڵبژاردنە ئەو لایەنانە لە سندوقی دەنگدان بنێژێت کە چاویان بە گەشەسەندنی وڵاتەکە ھەڵنایە".