ئەردۆغان زانیاری لەبارەی بوومەلەرزەکەی سامسات وەرگرت

ئەنقەرە - AA

سەرکۆماری تورکیا، رەجەب تەیب ئەردۆغان لەبارەی بوومەلەرزەکەی سامسات، زانیاری لە جێگری سەرۆکوەزیران، رەجەب ئاکداغ وەرگرت کە لە ئێستادا سەردانی ناوچەکەی کردووە.

بە گوێرە ئەو زانیاریانەی لە سەرچاوەکانی سەرۆکایەتی کۆمارە وەرگیراون، ئەردۆغان بەمەبەستی وەرگرتنی زانیاری لەبارەی ئەو بوومەلەرزەیەی کە شارۆچکەی سامساتی هەژاند پەیوەندی بە جێگری سەرۆکوەزیران، رەجەب ئاکداغ-ەوە کردووە.

راگەیەندرا کە جگە لە ئاک داغ ، سەرکۆماری تورکیا بۆ هەمان مەبەست پەیوەندی تەلەفۆنی لەگەڵ پەرلەمانتاری ئادیامانی ئاک پارتی و بریکاری سەرۆکی پەرلەمانی تورکیا، ئەحمەد ئایدن، ئەنجام داوە.