ئەديرنە.. بارانی بەخوڕ و تەرزە ژیانی راگرت

ئەدیرنە - AA

بارینی بارانی بەخوڕ، تەرزە و رەشەبا ژیانی لە شاری ئەدیرنەی تورکیا راگرت.

لە پڕا باهۆز و ھەورەتریشقە لەگەڵ بارانی بەخوڕ و جارجار بارينى تەرزە دەستيان بەسەر شارەكەدا گرت.

بەھۆی رەشەباوە، بنمیچی چەند باڵەخانەیەک کەوتەخوارەوە، تەزووی کارەبا بچڕا و چەند دارێکیش شکا.

هاوکات هەر بەم هۆیەوە چەند گەڕەک و رێگا و شەقامێک ژێرئاو کەوتن. تەرزەکە زیانی بە چەند ئۆتۆمبیلێکیش گەیاند.

واچاوەڕوان دەکرێت کە ئەم كەشە تاکو سبەی بەردەوام بێت.