ئیستانبوڵ.. پشکنینی بارەگەیەکی هەدەپە

ئیستانبوڵ

هێزەكانی پۆلیس چوونە سەر بارەگای پارتی دیموكراتی گەلان (هەدەپە) لە ناوچەی به‌یئۆغڵو لە شاری ئیستانبوڵ و دەستیان بە گەڕان و پشكنین كرد.

تیمەكانی هۆبەی بەرەنگاربوونەوەی تیرۆر لە ئاسایشی ئیستانبوڵ چوونە سەر بارەگای پارتی دیموكراتی گەلان (هەدەپە) و گەڕان و پشكنینیان ئەنجام دا.

بەپێی زانیارییەكان هێزەكانی ئاسایش و هێزی پۆڵاین رێوشوێنی توندیان گرتووەتەبەر، تایبەت لەو شوێنەی كە هەلیكۆپتەری پۆلیسی لێ نیشتۆتەوە و پرۆسەی گەڕان و پشكنین درێژەی هەیە.

هاوكات ژمارەیەكی زۆر ناونیشانی دیكە لەدەست پۆلیسدان و لە ئێستادا هێزێكی دیكە لە ئۆك مەیدان خەریكی گەڕا و پشكنینن.