ئیزمیر.. بەهۆی هەورەبروسکەوە ئاگر لە شوێنکارێک بەربوو

ئیزمیر - AA

لە شارۆچکەی چەشمەی سەربە پارێزگای ئیزمیر، هەورەبروسکە لە شوێنکارێکی دا و بەوهۆیەوە ئاگر کەوتەوە.

ئاگرەکە لە بەشی عەمباری شوێنکارەکەدا کەوتەوە و راستەوخۆ تیمەکانی ئاگرکوژێنەوە و جەندرمە گەیشتنە شوێنی رووداوەکە.

لە ماوەیەکی کەمدا، ئاگرەکە کۆنترۆڵ کرا، بەڵام بەشێکی زۆری کەلوپەلەکانی ناو عەمبارەکە سووتان.

بۆ لە نزیکەوە ئاگاداربوون لە رووداوەکە قایمقامی چەشمە، ئوناڵ چاکیجی سەردانی شوێنکارەکەی کرد.