ئەنقەرە - AA

دەزگای هەواڵگریی نیشتمانیی تورکیا (میت)، لە چوارچێوەی چالاکی بەرپەرچدانەوەی هەواڵگرییدا، لە ئیستانبوڵ توغرولھان دیپ-ی دەستگیر کرد، ئەو پارێزەرەی زانیاری بە سیخوڕە لێکۆڵەرەکان فرۆشتووە کە سیخوڕی بۆ دەزگای ھەواڵگری نھێنی ئیسرائیل مۆساد دەکەن.

بەپێی ئەو زانیارییەی لە سەرچاوە ئەمنییەکانەوە بەدەستکەوتووە، دیپ لە ئۆپەراسیۆنێکی ھاوبەشی میت و سەرۆکایەتی داواکاری گشتیی کۆماری لە ئیستانبوڵ و بەڕێوەبەرایەتی هۆبەی بەرەنگاربوونەوەی تیرۆری ئیستانبوڵ دەستگیرکراوە.

پارێزەر توغرولھان دیپ، یەکێکە لەو کەسانەی کە سیخوڕی مۆساد، سەرکان چیچەک کە لەلایەن میتەوە دەستگیرکراوە، لە کاروبارەکانیدا هاوکاری لێوەرگرتووە.

توغرولھان دیپ تەنیا کاری لەگەڵ سەرکان چیچەک نەکردووە، بەڵکو لەگەڵ زۆرێک لەو لێکۆڵەرانەی سیخوڕی بۆ مۆساد دەکەن کاری کردووە و یەکێک لەوان مووسا کوش-ە کە بەھۆی کارکردنی بۆ ئیسرائیل دەستگیر کراوە و سزای زیندانی ١٩ ساڵی بەسەردا سەپێندراوە.

ئاماژە بەوە کرا دیپ لە بەرامبەر پارەدا هاوکاری لێکۆڵەرەکانی کردووە لەبارەی دابینکردنی ئەو داتا کەسییانەی لە تۆمارە گشتییەکاندا ھەن.