ئۆپه‌راسیۆنی "چنگی چڕنوكدار" له‌لایه‌ن سوپای توركیاوه‌

ئه‌نقه‌ره‌ - AA

له‌ باكووری عێراق كه‌مپه‌كانی تیرۆریستان و ئه‌و تیرۆریستانه‌ی سه‌رگه‌رمی ئاماده‌كاریی بوون بۆ ئه‌نجامدانی هێرش و په‌لامار له‌ ئۆپه‌راسیۆنێكدا به‌ ناوی "چنگی چڕنوكدار" له‌لایه‌ن سوپای توركیاوه‌، كرانه‌ ئامانج.

له‌ راگه‌یه‌ندراوێكدا كه‌ له‌لایه‌ن وه‌زاره‌تی به‌رگری توركیاوه‌ بڵاوكراوه‌ته‌وه‌، ئاماژه‌ به‌وه‌كراوه‌ هێرشی ئاسمانی بۆ سه‌ر پێگه‌كانی سه‌رده‌سته‌ی تیرۆریستانی په‌كه‌كه‌ و ئه‌و تیرۆریستانه‌ی سه‌رگه‌رمی ئاماده‌كاریی بوون بۆ ئه‌نجامدانی هێرش و په‌لامار له‌ باكوور عێراق، ئه‌نجامدراوه‌.

له‌ راگه‌یه‌ندراوه‌كه‌دا هاتووه‌ "به‌یانی رۆژی ٣٠ی ئاداری ٢٠١٩ له‌چوارچێوه‌ی پلانی ئۆپه‌راسیۆنی چنگی چڕنوكداردا به‌ناو باره‌گا و حه‌شارگه‌ و په‌ناگه‌كانی سه‌رده‌سته‌كانی رێكخراوی تیرۆریستی په‌كه‌كه‌ له‌ قه‌ندیلی باكووری عێراق و ئه‌و تیرۆریستانه‌ی په‌كه‌كه‌ كه‌ له‌ ناوچه‌كانی خواكورك و ئاڤاشین-باسیان سه‌رگه‌رمی ئاماده‌كاریی بوون بۆ په‌لاماردانی یه‌كه‌كانمان له‌سه‌ر سنوور، به‌شێوه‌یه‌كی هاوكات كراونه‌ته‌ ئامانج".