ئۆپه‌راسیۆنی فڕۆكه‌ جه‌نگییه‌كانی سوپای توركیا له‌ چوكورجا

ئه‌نقه‌ره‌ - AA

له‌ ئۆپه‌راسیۆنێكدا فڕۆكه‌ جه‌نگییه‌كانی سوپای توركیا ئامانجێكی جووڵاو و حه‌شارگه‌یه‌كی چه‌كدارانی په‌كه‌كه‌یان له‌ ناوچه‌ی چوكورجای هه‌كاری ته‌قاندەوە.

به‌پێی ئه‌و زانیارییانه‌ی له‌ سه‌رۆكایه‌تیی ئه‌ركانی سوپای توركیاوه‌ بڵاوكراوه‌ته‌وه‌، دوای وه‌رگرتنی زانیاریی هه‌واڵگری، فڕۆكه‌ جه‌نگییه‌كانی سوپای توركیا لە كاتژمێر 4:53ەوە تاوەکو کاتژمێر 5:15ی به‌ره‌به‌یان ئۆپه‌راسیۆنێكیان له‌ ناوچه‌ی چوكورجا ئه‌نجامدا.

له‌ئۆپه‌راسیۆنه‌كه‌دا ئامانجێكی جووڵاو و حه‌شارگه‌یه‌كی چه‌كدارانی په‌كه‌كه‌ ته‌قێنرایه‌وه‌.

دوای ئۆپه‌راسیۆنه‌كه‌ فڕۆكه‌كان گه‌ڕانه‌وه‌ بۆ بنكه‌ سه‌ربازییه‌كان.