لە جەرابلوس سەربازێکی تری تورک گیانی لەدەست دا

ئەنقەرە

ژمارەی ئەو سەربازە تورکانەی لە هێرشی دژە تانکەکانی رێکخراوی تیرۆریستی داعش بۆ سەر سوپای تورکیا لە پێکدادانەکانی ناوچەی وقوف گیانیان لەدەست دا، گەیشتە ٣ سەرباز.

سەرۆکایەتی ئەرکانی سوپای تورکیا بڵاوی کردەوە کە ٥٠ ئامانجی داعش تێکشکێنراوە و لە رۆژی دەستپێکردنی ئۆپەراسیۆنەکانەوە بە گشتی ٩٢٤ هێرش کراوەتە سەر ٢٢٥ ئامانجی داعش.

لەپێکدادانەکانی ناوچەی وقوف، چەکدارانی داعش لەرێگەی دژە تانکەوە هێرشیان کردبووە سەر تانکەکانی سوپای تورکیا و لەئەنجامدا دوو سەرباز گیانیان لەدەست دابوو، دواتریش یەکێک لە سەربازە بریندارەکان سەرەڕای هەموو هەوڵێکی پزیشکان، گیانی لەدەست داو بەمەش ژمارەی کوژراوەکان بۆ ٣ سەرباز بەرزبوویەوە.