ئافاد: "چوار کەس بەھۆی بوومەلەرزەکەی ئیزمیر گیانیان لەدەستدا"

ئەنقەرە - AA

سەرۆکایەتی بەڕێوەبردنی کارەسات و باری بەپەلە (ئافاد) رایگەیاند کە بەھۆی بوومەلەرزەکەی کەناراوەکانی سەفەریھیساری سەربە پارێزگای ئیزمیر چوار کەس گیانیان لەدەستداوە و ١٢٠ کەسیش برینداربوون.

بەپێی ئەو راگەیاندراوەی لە سەرۆکایەتی بەڕێوەبردنی کارەسات و باری بەپەلە (ئافاد) بڵاوکراوەتەوە، تێدا ئاماژە بەوە کراوە کە "چوار کەس گیانی لەدەستداوە، کە یەکیان بەھۆی خنکانەوە بووە، ١٢٠ ھاووڵاتیمان برینداربوون. بەمەبەستی بەکارھێنانی لەو کارانەی لە ناوچەکەدا بەڕێوەدەچن، سێ ملیۆن لیرە وەک ھاوکاری بەپەلە دەنێردرێت ''.