دەستگیرکردنی حەوت گومانلێکراوی فەتۆلە ئەنقەرە

ئەنقەرە - AA

لە ئۆپەراسیۆنێکدا بۆسەر ماڵە نهێنییەکانی رێکخراوی تیرۆریستیی فەتحوڵڵاچی/ پێکهاتەی دەوڵەتی هاوتەریب (فەتۆ/پەدەیە) لە ئەنقەرە، حەوت ئەندامی رێکخراوەکە دەستگیرکران.

تیمەکانی هۆبەی هەواڵگریی و بەرەنگاربوونەوەی تیرۆری سەربە بەڕێوەبەرایەتی ئاسایشی ئەنقەرە، ئۆپەراسیۆنێکیان بۆسەر ماڵە نهێنییەکانی رێکخراوەکە ئەنجامدا بەمەبەستی دەستگیرکردنی ئەو گومانلێکراوانەی بە تۆمەتی ئەندامێتی ''فەتۆ/پەدەیە'' داواکراون.

لەو ئۆپەراسیۆنەدا حەوت ئەندامی رێکخراوەکە دەستگیرکران کە لە ماڵە نهێنییەکاندا خۆیان حەشاردابوو و لەڕێگەی ئینتەرنێتەوە پەیوەندیان بە یەکتریەوە دەکرد.

هاوکات لە ئۆپەراسیۆنەکەدا دەستگیرا بەسەر شەش ناسنامە و مۆڵەتی شۆفێری ساختە و بەڵگەی رێکخراوەکەدا، لەگەڵ نزیکەی ٧٥ هەزار لیرەی تورکی و ٥٠٠ یورۆدا.