عەبادی: "بەرژەوەندی گەلی عێراق بۆ وڵاتی ئێران ناخەینە مەترسییەوە"

بەغدا - AA

سەرۆکوەزیرانی عێراق، حەیدەر عەبادی رایگەیاند کە بەرژەوەندی گەلی عێراق بۆ وڵاتی ئێران ناخەنە مەترسییەوە.

عەبادی لەکاتی کۆبوونەوەی لەگەڵ ژمارەیەک رۆژنامەنووس ھەڵسەنگاندنی بۆ پێشھاتەکانی رۆژەڤ کرد.

عەبادی وەک سەرۆکی ھاوپەیمانی نەسر راشیگەیاند کە یەکێک لە ئەندامانی ھاوپەیمانەتیەکەی بە ناوی فالح فەیاز کە ناوی بۆ کاندیدی سەرۆکایەتی وەزیران دەھێنرێت، نوێنەرایەتی ھاوپەیمانەتییەکەی ناکات. گوتیشی: "ئەگەر بە ناوی ھاوپەیمانی ھەوڵی جووڵەی سیاسی بدات ئەوا رێگای دادگاییکردنی بۆ دەکەینەوە".

حەیدەر عەبادی وەک سەرۆکوەزیرانی عێراق، فالح فەیازی لە راوێژکاریەتی ئاسایشی نەتەوەیی و سەرۆکایەتی حەشدی شەعبی دوورخستبووەوە.

عەبادی لەبارەی حاڵەتی ژەھراویبوون بەھۆی خواردنەوەی ئاوی پیس لە شاری بەسڕە رایگەیاند کە لەمبارەیەوە لێکۆڵینەوە دەستپێدەکات. گوتیشی: "وڵاتی دراوسێ مافی بڕینی ئەو ئاوەی نییە کە لە رووباری ئەلکەروانەوە دەرژێتە شەتوڵعەرەب. لەمبارەیەوە قسەیان لەگەڵ دەکەین".

عەبادی لەبارەی دەستێوەردانی ئێران لە پێکھێنانی کابینەی نوێی حکوومەتی عێراقی گوتی: "بەرپرسیاریه‌تی سەر شانمان ئەوە دەخوازێت کە بەرژەوەندی گەل و وڵاتەکەمان نە بۆ ئێران نە بۆ وڵاتێکی دیکەی دراوسێ بخەینە مەترسییەوە".

سەرۆکوەزیرانی عێراق، حەیدەر عەبادی لەبارەی دوایین دۆخی کەرکووک گوتی: "ھیچ پارتێکی سیاسی ناچار نەکراوە کەرکووک جێبھێڵێت. بەشێکی لایەنەکان دووبارە گەڕانەوەیان بۆ کەرکووک بایکۆت کرد. نابێ گەڕانەوەی ئاوارەکان بۆ ئەو شارە بکرێتە ئامرازێکی سیاسی".

عەبادی ئاشکراشی کرد کە سبەینێ وەک سەرۆکوەزیران بەشداری لە یەکەمین دانیشتنی پەرلەمان دەکات.

لە دوای ھەڵبژاردنەکانی ١٢ی ئایاری رابردوو، سبەینێ یەکەمین دانیشتنی پەرلەمانی عێراق ئەنجام دەدرێ و محەمەد عەلی زەینی وەک بە تەمەنترین ئەندامی پەرلەمان، سەرۆکایەتی دانیشتنەکە دەکات.