سووریا.. ھێرشێکی رژێم لە شاری حەلەب ١٠ کوژراوی لێکەوتەوە

حەلەب

لە ئەنجامی ھێرشی ھێلیکۆپتەرێکی سەربازیی سەر بە رژێمی سووریا لە گەڕەکی ئەنساری شاری حەلەب کە لە رێگەی بۆمبی بەرمیلییەوە ئەنجام درا، ١٠ کەس کوژران و ٣٠ کەسی دیکە برینداربوون.

بەرپرسێک لە بەڕێوەبەرایەتی بەرگری شارستانی حەلەب بە ناوی ئەبو لەیس بە ئاژانسی ئانادۆڵوی راگەیاند کە ھێلیکۆپتەرێکی سەربازیی سەر بە رژێمی سووریا بە رێگەی بۆمبی بەرمیلی ھێرشی کردووەتە سەر گەڕەکی ئەنساری شاری حەلەب.

راشیگەیاند کە بەھۆی ھێرشەکەوە ١٠ کەس کوژران و ٣٠ کەسی دیکە برینداربوون کە زۆرینەیان منداڵ و ئافرەتن.