نرخی نەوت.. خاوی برێنت گەیشتە ٤٠،٩٨ دۆلار

ئیستانبوڵ- AA

بەرمیلێک خاوی برێنت بە ٤٠ دۆلار و ٩٨ سەنت مامەڵەی پێوە دەکرێت.

دوێنێ نرخی بەرمیلێک خاوی برێنت گەیشتە ٤١ دۆلار و ٧٨ سەنت و رۆژەکەشی بە ٤١ دۆلار و ٦١ سەنت تەواو کرد.

کاتژمێر ٠٩:٢٢ی بەیانی ئەمڕۆ نرخەکە سەدا ١،٥١ دابەزینی بەخۆوەبینی و گەیشتە ٤٠ دۆلار و ٩٨ سەنت.

لە هەمان کاتدا بەرمیلێک نەوتی رۆژئاوای تێکساس بە ٣٨ دۆلار و ٨١ سەنت مامەڵەی پێوەکرا.

پێشبینییەکانی ئینستیتۆی نەوتی ئەمریکا بۆ زیادبوونی ٤،٦ ملیۆن بەرمیل لە یەدەگەکانی نەوتی ئەمریکا، نیگەرانییەکانی لە زۆری خستنەبازاڕی نەوت زیاتر کرد و بووە هۆی دابەزینی نرخی نەوت، واش پێشبینی دەکرێت یەدەگەکان ١،٢ ملیۆن بەرمیل کەم بکات.

بەهۆی زریانی سێتا لە ئەمریکا، پاڵاوگاکانی کەنداوی مەکسیک کارەکانیان وەستاندووە و ئەمەش رۆڵی هەبوو لە رێگریکردن لە دابەزینی زیاتری نرخی نەوت.

فەرمانگەی ئاسایش و کاروباری ژینگە سەربە وەزارەتی ناوخۆی ئەمریکا، ئەوەی ئاشکرا کرد بەهۆی زریانەکەوە سەدا ٤٩ی بەرهەمهێنانی نەوت و سەدا ٥٥ی بەرهەمهێنانی غازی سروشتی لە پاڵاوگەکانی کەنداوی مەکسیک کەمی کردووە.

لە لایەکی دیکەشەوە، دووبارە چالاکبوونەوەی کێڵگەکانی لیبیا و دەستکردنەوەیان بە هەناردەکردنی نەوت وای کردووە رێژەی ئەو سووتەمەنییە لە بازاڕەکاندا زیاد بکات و ئەمەش رێگرە لە هەڵکشانی زیاتری نرخی نەوت.

هەروەها بڵاوبوونەوەی ڤایرۆسی کۆرۆنا لە جیهاندا هۆکارێکی دیکەی کەمبوونەوەی خواستە لەسەر نەوت و بە نزمی هێشتنەوەی نرخەکان.