ئازەربایجان: ''٦٩ کەس لە هێرشەکانی ئەرمینیادا گیانیان لەدەستداوە''

باكۆ ــ AA

بەهۆی هێرشی مووشەکیی و تۆپبارانی سوپای ئەرمینیاوە بۆسەر ناوچەکانی نیشتەجێبوون لە ئازەربایجان، تا ئەمڕۆ ٦٩ مەدەنی گیانیان لەدەستداوە و ٣٢٢ی دیکەش برینداربوون.

سەرۆكایەتی داواكاری گشتیی ئازەربایجان، دوایین ئاماری لەبارەی زیانی گیانی هێرشەکانی ئەرمینیای بڵاوكردەوە کە لە ٢٧ی ئەیلوول تا ٢٦ی تشرینی یەکەم ئەنجامی داون.

بەپێی ئامارەکان، ٦٩ هاووڵاتی مەدەنی ئازەربایجان گیانیان لەدەستداوە کە ژن و منداڵیان لەنێودایە، هەروەها ٣٢٢ کەسیش برینداربوون.

هەروەها بەهۆی ئەو هێرشانەوە، دوو هەزار و ٣٣٨ خانوو، ٩٢ باڵەخانە و ٣٤١٥٦ بینای گشتیی خاپوور بوون.