نەوتی برێنت لە ئاستی ٤٦ دۆلاردا مامەڵەی پێوەدەکرێت

ئەنقەرە- AA

نرخی یەک بەرمیل نەوتی برێنت بە هۆی زۆری خستنەڕوو و کەمی خواست، بە ٤٦ دۆلار و ٨٢ سەنت مامەڵەی پێوەدەکرێت.

سەرلەبەیانی رۆژی هەینی رابردوو نرخی یەک بەرمیل نەوتی برێنت ٤٧ دۆلار و ٧٢ سەنت بوو، دواتر بۆ ٤٧ دۆلار و ٧٤ سەنت بەرزبوویەوە.

سەرلەبەیانی ئەمڕۆ نرخی یەک بەرمیل لەو نەوتە بە ٤٦ دۆلار و ٧٩ سەنت مامەڵەی پێوەکرا و لە کاتژمێر ١٠:٠٢ەوە لەسەدا ٠.٠٦ی نرخەکەی بەرزبوویەوە و بووە ٤٦ دۆلار و ٨٢ سەنت.

هاوکات نرخی یەک بەرمیل نەوتی تێکساس بە ٤٤ دۆلار و ٣٤ سەنت مامەڵەی پێوەکرا.

نرخی نەوت بە هۆی بەرزبوونەوەی بەرهەمهێنانییەوە لە ئەمریکا، روو لەدابەزینە. کۆمپانیای بەیکەر هیوگس کە خزمەتگوزاریی کێڵگە نەوتییەکان پێشکەش دەکات، بڵاوی کردەوە لە ئەمریکا حەوت سەکۆی هەڵکەندنی دیکەدا دامەزرێنراوە و بەو شێوەیەش کۆی گشتیی ژمارەی ئەو بیرانەی لە هەڵکەندندان بۆ ٧٦٣ بیر بەرزبووەتەوە. هاوکات لە ٢٥ هەفتەی رابردوودا ژمارەی سەکۆکانی هەڵکەندی بیرە نەوتەکان رووی لە هەڵکشان کردووە گەیشتە ٢٤ سەکۆ.