ساڵی رابردوو داھاتی عێراق لە گومرک ١،١ تریلیۆن دینار بووە

ھەولێر ــ AA

دەستەی گشتیی گومرکەکانی عێراق، کۆی گشتیی داھاتە گومرکییە بەدەستھاتووکانی بۆ ساڵی ٢٠٢١ بڵاو کردەوە و رایگەیاند کە لە ساڵی رابردوودا، داھاتە گومرکییە بەدەستھاتووەکان، گەیشتووەتە تریلیۆنێک و یەک ملیار و ٤١٣ ملیۆن و ٨٥٩ ھەزار و ٨١٧ دینار.

دەستەی ناوبراو لە راگەیەندراوێکدا ئاماژەی بەوە داوە کە کۆی گشتیی داھاتە گومرکییە بەدەستھاتووکان لە ساڵی ٢٠٢١دا بە بەروارد بە ساڵی ٢٠٢٠دا، بەڕێژەی ١٥ لەسەدا زیادی کردووە و ھاتووە: "داھاتە گومرکییە بەدەستھاتووەکان لە ساڵی رابردوودا، گەیشتووەتە تریلیۆنێک و یەک ملیار و ٤١٣ ملیۆن و ٨٥٩ ھەزار و ٨١٧ دینار بووە".

بە پێی ئەو بڵاوکراوەیەی دەستەی گشتیی گومرکەکانی عێراق داهاتی گومرکی عێراق لە ساڵی ٢٠٢٠دا، ٨٦٣ ملیار و ١٦١ ملیۆن و ٣٩٢ ھەزار و ٥١٢ دینار بووە.