خاوی برێنت به‌ ٥٥،٣٧ دۆلار مامه‌ڵه‌ی پێوه‌كرا

ئه‌نقه‌ره‌ - AA

یه‌ك به‌رمیل خاوی برێنت له‌ بازاڕه‌ نێوده‌وڵه‌تییه‌كاندا، به‌ ٥٥ دۆلار و ٣٧ سه‌نت مامه‌ڵه‌ی پێوه‌كرا.

دوێنێ نرخی یه‌ك به‌رمیل خاوی برێنت به‌رزبووه‌وه‌ بۆ ٥٦ دۆلار و ٣٧ سه‌نت و به‌ ٥٥ دۆلار و ٨٨ سه‌نت رۆژه‌كه‌ی ته‌واو كرد. ئه‌مڕۆش له‌ كاتژمێر ٠٩:٣٢دا به‌ به‌راورد به‌ كاتی داخستن به‌ رێژه‌ی له‌سه‌دا ٠،٩١ دابه‌زینی به‌خۆیه‌وه‌ بینی و به‌ ٥٥ دۆلار و ٣٧ سه‌نت مامه‌ڵه‌ی پێوه‌ كرا.

هاوکات یه‌ك به‌رمیل نه‌وتی خاوی تێكساس به‌ ٥٢ دۆلار و ٢٠ سه‌نت فرۆشرا.

ئاماژه‌ به‌وه‌ ده‌كرێت كه‌ ره‌نگه‌ لەڕووی تەکنیکییەوە خاوی برێنت لەنێوان ٥٥ دۆلار و ٥٥ سه‌نت بۆ ٥٥ دۆلار و ٦١ سه‌نت بەرهەڵستی بنوێنێت و نرخه‌كه‌ی له‌نێوان ٥٥ دۆلار و ٣٣ سه‌نت بۆ ٥٥ دۆلار و ٢٨ سه‌نت بمێنێته‌وه‌.