بەبەشداری مەسرور بارزانی و بەهەوڵی قوباد تاڵەبانی کارکردن لە پرۆژەی ١٠٠ مەتری سلێمانی دەچێتە بواری جێبەجێکردنەوە
بڕیارە سبەی شەممە بەئامادەبوونی ژمارەیەک بەرپرسانی باڵای حکوومەتی هەرێمی کوردستان لەوانە سەرۆکی حکوومەت، مەسرور بارزانی و جێگرەکەی، قوباد تاڵەبانی، بەردی بناغەی پڕۆژەی شەقامی ١٠٠ مەتری لە شاری سلێمانی دابنرێت .
As Sulaymaniyah
سلێمانی - AA
بڕیارە سبەی شەممە بەئامادەبوونی ژمارەیەک بەرپرسانی باڵای حکوومەتی هەرێمی کوردستان لەوانە سەرۆکی حکوومەت، مەسرور بارزانی و جێگرەکەی، قوباد تاڵەبانی، بەردی بناغەی پڕۆژەی شەقامی ١٠٠ مەتری لە شاری سلێمانی دابنرێت و کارکردن لە پڕۆژەکە دەستپێبکاتەوە و پڕۆژەکەش لەلایەن کۆمپانیای قەیوانەوە ئەنجام دەدرێت.
بەپێی لێدوان بەرپرسانی گرووپی کۆمپانیاکانی قەیوان، بڕیارە لە قۆناغی یەکەمدا ٣٢ کم لە پڕۆژەکە تەواو بکرێت کە لە پردی تاسڵوجەوە دەست پێدەكات و لە گوندی دەمركان كۆتایی دێت.
ئەوەش لەكاتێكدایە کە جێگری سەرۆكی حكوومەتی هەرێم، قوباد تاڵەبانی هەوڵەكانی بەردەوام بووە بۆ ئەوەی پرۆژەی شەقامی ١٠٠ مەتری سلێمانی بچێتە بواری جێبەجێكردنەوە و لەوبارەیەشەوە چەندین جار لەگەڵ ئیدارەی پارێزگای سلێمانی كۆبووەتەوە.
پێشتر لە ٢٠١٤ دا ئەم پرۆژەیە بەتەندەر درایە کۆمپانیایەک کە بەهۆی قەیرانی داراییەوە نەتوانرا جێبەجێ بکرێت و بەپێی زانیارییەکانی ئاژانسی ئانادۆڵو لەدوای هەوڵەکانی جێگری سەرۆکی حکوومەتی هەرێم، قوباد تاڵەبانی جارێکی دیکە کارکردن لە پرۆژەکە دەستپێدەکاتەوە.