سلێمانی.. کۆنگرەی رۆژنامەوانی لەبارەی ڤایرۆسی کۆرۆناوە
ئەمڕۆ، بە سەرپەرشتیی جێگری سەرۆکی ئەنجوومەنی وەزیران، قوباد تاڵەبانی کۆبوونەوەیەکی تایبەت بە رێگریکردن و خۆپارێزی لە ڤایرۆسی کۆرۆنا لە دیوانی پارێزگای سلێمانی بەڕێوەچوو.
As Sulaymaniyah
سلێمانی - AA
ئەمڕۆ، بە سەرپەرشتیی جێگری سەرۆکی ئەنجوومەنی وەزیران، قوباد تاڵەبانی کۆبوونەوەیەکی تایبەت بە رێگریکردن و خۆپارێزی لە ڤایرۆسی کۆرۆنا لە دیوانی پارێزگای سلێمانی بەڕێوەچوو.
لە کۆبوونەوەکەدا بە ئامادەبوونی فەرمانگە پەیوەندیدارەکان، بڕیار و راسپاردەکانی کۆبوونەوەی دوێنێی وەزارەتی ناوخۆ و وەزارەتە پەیوەندیدارەکانی هەرێمی کوردستان گەیەندرایە سەرجەم دامودەزگاکان و پێشنیاز و پڕۆژەکان گەڵاڵە کران بۆ باشتر خزمەتکردنی هاووڵاتییان و رێگریکردن لە بڵاوبوونەوەی ڤایرۆسی کۆرۆنا.
لە راگەیەندراوێکی پارێزگای سلێمانی-دا ئاماژە بەوە کراوە کە لە کۆبوونەوەکەدا، جێگری سەرۆکی ئەنجوومەنی وەزیران هەموو پشتیوانییەکی حکوومەتی هەرێمی لەم بوارەدا دووپاتکردەوە و جەختی لەسەر بڕیار و راسپاردەکانی وەزارەتەکانی ناوخۆ و تەندروستی، هەروەها پارێزگای سلێمانی کردۆتەوە و چەند رێوشوێنێکی پێویستی دیاریکردووە بۆ باشتر کۆنترۆڵکردن و رووبەڕووبوونەوەی ئەم پەتایە.
دوای کۆبوونەوەکە هەریەک لە پارێزگاری سلێمانی، هەڤاڵ ئەبوبەکر و قایمقامی قەزای مەڵبەندی سلێمانی، ئاوات محەمەد و بەڕێوەبەری گشتی تەندروستی سلێمانی سەباح هەورامی، ئەنجامی کۆبوونەوەکەیان راگەیاند و داوایان لە هاووڵاتییان کرد رێنماییە تەندروستییەکان پەیڕەو بکەن.
لە کۆنگرە رۆژنامەوانییەکەدا جەخت کرایەوە لەسەر ئەوەی تا ئێستا هیچ حاڵەتێکی تووشبوو بەم ڤایرۆسە لە پارێزگای سلێمانی تۆمار نەکراوە و هەموو لایەک ئاگادارکرانەوە لە خۆپارێزیی و هۆشیاری تەندروستیی، ئەوەش دووپاتکرایەوە کە هیچ کەسێک هەوڵی قۆرخکاریی و شاردنەوە و بردنە دەرەوەی کەلوپەلە تەندروستییە پێویستەکان نەدات، بەپێچەوانەوە بەتوندی سزا دەدرێت.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن