مۆسکۆ - AA

لە ئاکامی هێرشێکی سوپای ئۆکراینا بۆسەر ناوچەی بێلگۆرۆد-ی رووسیا، دوو کەس گیانیان لەدەستدا.

پارێزگاری ناوچەی بێلگۆرۆد، ڤیاچێسلاڤ گلادکۆڤ، لە روونکردنەوەیەکدا کە لە هەژماری خۆی لە تۆڕی کۆمەڵایەتیی بڵاویکردووەتەوە، ئاماژەی بەوە کردووە کە سوپای ئۆکراینا بە مووشەکی گراد هێرشی کردووەتە سەر گوندی سۆبۆلیێڤکا.

گوتیشی: "بەپێی ئامارە بەراییەکان، دوو کەس گیانیان لەدەستداوە. لە کاتی هێرشەکەدا ئەو کەسانە لەناو حەوشەی ماڵەکانیاندا بوون. بەهۆی قورسی برینەکانیانەوە گیانیان لەدەستداوە".

گلادکۆڤ باسی لەوە کرد کە بەهۆی هێرشەکەوە شەش کەس کە دووانیان منداڵن برینداربوون، چەند خانوویەکیش زیانی ماددییان بەرکەوتووە.