چاناککالە - AA

سەرکۆماری تورکیا، ڕەجەب تەیب ئەردۆغان ڕایگەیاند: "پێمان وایە لە بنیاتنانەوەی سەدەی تورکیادا وانەی زۆر گرنگ هەیە کە لەو داستانەی لە چاناککالە نووسراوە وەریبگرین. ڕۆحی چاناککالە کە دەیسەلمێنێت ئەگەر دەست بە یەکێتیی و پێکەوەیی و برایەتیمانەوە بگرین، ئەوا حەوت زلهێزی جیهانی لەدژمان بوەستنەوە ناڕووخێین و، هەردەم بەردەوام دەبێت لە ڕۆشن کردنەوەی ڕێگاکەمان".

لە میانی بەشداری کردنی لە ڕێوڕەسمی یادی ١٠٩ ساڵەی سەرکەوتنی دەریایی چاناککالە و ڕۆژی یادی شەهیدانی ١٨ی ئادار کە لە مۆنۆمێنتی شەهیدانی چاناککالە بەڕێوەچوو، سەرکۆمار گوتارێکی پێشکەش کرد.

لە گوتارەکەیدا سەرکۆمار ئەردۆغان باسی لەوە کرد کە ئەو بڵێسەیەی دوێنێ لە چاناککالە کرایەوە بە خەباتی نیشتمانیی و ڕاگەیاندنی کۆمارەکەمان بە ئەنجام گەیشت، گوتیشی: ''ئێستاش بەو بڵێسەیەی بە کار و خزمەت و ئامانجەکانی ٢٠٢٣ و بە دیدگای 'سەدەی تورکیا' دامانگیرساندووە، پشتیوان بە خودا دەبێتە هۆی گەیشتنی وڵاتەکەمان بەو شوێنەی لە جیهاندا شایستەیەتی".

ڕاشیگەیاند: ''پێمان وایە لە بنیاتنانەوەی سەدەی تورکیادا وانەی زۆر گرنگ هەیە کە لەو داستانەی لە چاناککالە نووسراوە وەریبگرین. ڕۆحی چاناککالە کە دەیسەلمێنێت ئەگەر دەست بە یەکێتیی و پێکەوەیی و برایەتیمانەوە بگرین، ئەوا حەوت زلهێزی جیهانی لەدژمان بوەستنەوە ناڕووخێین و، هەردەم بەردەوام دەبێت لە ڕۆشن کردنەوەی ڕێگاکەمان".