کۆڤید- ١٩

هەولێر.. دەستگیرکردنی کەسێک بەتۆمەتی فرۆشتنی بتڵی ئۆکسجین لەسەر شەقام

- قایمقامیەتی قەزای ناوەندی هەولێر: "لە شەقامی پزیشکان کەسێک بوتڵی ئۆکسجینی دانابوو بۆ فرۆشتن، خۆی دەستگیرکراوە و دەست بەسەر ئۆتۆمبیلەکەشیدا گیراوە".

Hawkar Yaseen   | 04.08.2020
هەولێر.. دەستگیرکردنی کەسێک بەتۆمەتی فرۆشتنی بتڵی ئۆکسجین لەسەر شەقام

Arbil

هەولێر - AA

قایمقامیەتی قەزای ناوەندی هەولێر رایگەیاند کە لە شەقامی پزیشکان، کەسێک لەسەر شەقام بوتڵی ئۆکسجینی فرۆشتووە و بەو تۆمەتە دەستگیرکراوە.

بەپێی راگەیەندراوێکی قایمقامیەتی قەزا ناوەندی هەولێر لەسەر فەرمانی قایمقامی هەولێر و بە هاوکاری پۆلیسی شارەوانی، هاووڵاتییەک دەستگیرکراوە کە بە ئۆتۆمبیلی بارهەڵگر بتڵی ئۆکسجینی هێناوەتە شەقامی پزیشکان و لەسەر شەقامەکە فرۆشتوونی، دەستگیرکراوە و رێکاری یاسایی بەرامبەر گیراوەتەبەر و دەستبەسەر بتڵە ئۆکسجینەکان و ئۆتۆمبیلەکەشیدا گیراوە.

قایمقامیەتی قەزا ناوەندی هەولێر هاووڵاتییان ئاگاداردەکاتەوە، مامەڵەکردنی لەو جۆرە قەدەغەیە و رێگەپێدراو نییە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın