ھەولێر ــ AA

وەزارەتی پێشمەرگەی ھەرێمی کوردستان داوای لە حکوومەتی عێراق کرد سنوورێک بۆ دەستدرێژییەکانی سەر بارەگاکانی پێشمەرگە دابنێت، ئەوەیش دوای ئەوەی شەوی ڕابردوو بە ئاراستەکردنی دڕۆنێک، ھێرشکرایە سەر بارەگاکانیان لە سنووری چەمچەماڵ.

وەزارەتەکە ڕاگەیاندراوێکی بڵاوکردەوە و تیایدا ھاتووە: "شەوی ڕابردوو، جارێکی دیکە تاقمە تیرۆریستییە لەیاسا دەرچووەکان دەستیان دایەوە کردەوەیەکی تێکدەرانە و لە ڕێگەی درۆنێکی بۆمبڕێژکراوەوە ھێرشیان کردە سەر بارەگایەکی ھێزەکانی پێشمەرگە لە سنووری چەمچەماڵ".

وەزارەتی پێشمەرگە وێڕای ئیدانەکردنی ئەم هێرشەن ڕایگەیاندووە، "ئامانج لێی تێکدانی ئاسایش و سەقامگیریی ناوچەکەیە و دووبارەبوونەوەی ئەم ھێرشە تیرۆریستییانە بۆ سەر بارەگاکانی پێشمەرگە لە کاتێکدایە کە دۆخی ناوچەکە بە گشتی لەبەردەم قۆناغێکی ھەستیار و ئاڵۆزدایە".

ھەروەھا وەزارەتی پێشمەرگە بە بێ ئاماژەکردن بە هەرچەشنە زیانێکی گیانی و یان ماددی هێرشەکە، ڕاشیگەیاندووە: "جارێکی تر داوا لە فەرماندەی گشتیی ھێزە چەکدارەکانی عێراق دەکەین، لەوەی سنوورێک بۆ ئەم دەستدرێژییە بێپاساوانە دابنێت کە دەکرێنە سەر بارەگاکانی پێشمەرگە".