ئەنقەرە ــ AA

لە ئاکامی ھێرشێکی سوپای پاکستاندا بۆ سەر نەخۆشخانەیەک لە کابول پایتەختی ئەفغانستان، ٤٠٠ کەس کوژراون و ٢٥٠ی دیکەیش بریندرابوون.

جێگری گوتەبێژی حکوومەتی ئەفغانستان، حەمدەڵڵا فیترەت لە ھەژماری خۆی لە تۆڕی کۆمەڵایەتی ئێکس ڕایگەیاندووە کە شەوی ڕابردوو، سوپای پاکستان ھێرشی کردووتە سەر نەخۆشخانەیەک لە کابول.

باسی لەوەشكردووە، ئەو نەخۆشخانەیەی کە ھێرشی کراوەتە سەر، تایبەت بە چارەسەرکردنی ئاڵوودەبووانی ماددەی ھۆشبەر.
باسی لەوەش کردووە کە لە ئاکامی ھێرشەکەدا، ٤٠٠ کەس کوژراون و ٢٥٠ی دیکەیش برینداربوون.

لەبەرامبەردا وەزیری ڕاگەیاندنی پاکستان، عەتائوڵڵا تارار لە ھەژماری خۆی لە تۆڕی کۆمەڵایەتی ئێکس ڕەتی کردووەتەوە کە لە ھێرشەکانی ھێزەکانیاندا بۆ سەر کابول پایتەختی، ھیچ نەخۆشخانەیەک کرابێتە ئامانج.

ڕاشیگەیاندووە کە لە ھێرشەکانی ھێزەکانی وڵاتەکەی بۆ سەر کابول و نەنگەرھار، ژمارەیەک دامەزراوەی سەربازیی کراوەنەتە ئامانج.