Arbil
ھەولێر ــ AA
ھاوپەیمانیی نێوەدوڵەتیی دژبە داعش بە بەھای ١٨ ملیۆن دۆلار، ھاوکاری سەربازیی پێشکەش بە ھێزەکانی سەربە وەزارەتی ناوخۆی عێراق کرد.
گوتەبێژی فەرماندەی گشتیی ھێزە چەکدارەکانی عێراق، لیوا یەحیا رەسول لە ھەژماری تایبەتی خۆی لە تۆڕی کۆمەڵایەتیی تویتەر بڵاویکردەوە کە ھاوپەیمانیی نێوەدوڵەتییدژبە داعش لە بنکەی عەین ئەسەد، بە بەھای ١٨ ملیۆن دۆلار، پێشکەش بە ھێزەکانی سەربە وەزارەتی ناوخۆ کردووە.
راشیگەیاندووە کە ھاوکارییە سەربازییەکە بریتییە لە ھەزار و ٢٥٠ پارچە چەک و ١٨ ئۆتۆمبێلی سەربازیی.
لە ساڵی ٢٠١٤وە تا ئێستا، ھاوپەیمانیی نێودەوڵەتی دژبە داعش بەڕابەریەتی ئەمریکا، ھاوکاری سەربازیی لە شەڕی دژبە داعش پێشکەش بە ھێزە ئەمنییەکانی عێراق دەکات.
ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
