بەیروت - AA

لە ئەنجامی هێرشەکانی ئەمڕۆی ئیسرائیل بۆ سەر باشووری لوبنان، ناوچەی بیقاع و پایتەختی وڵاتەکە بەیروت، لانی کەم ١٧ کەس گیانیان لەدەستدا.

بەپێی زانیارییەکان، لە هێرشێکی درۆنیدا لە شاری سوور کەسێک کوژرا و لە ناوچەی بیقاع دوو کوڕی بەرپرسی کۆمەڵی ئیسلامی، یوسف دەحوک گیانیان لەدەستدا و باوکیان بریندار بوو. هەروەها لە نەباتیە، گەڕەکی جەناح لە بەیروت، شەبعا و قەلیلە چەندین کەسی دیکەی مەدەنی بوونە قوربانی.

لەلایەکی دیکەوە، وەزارەتی تەندروستیی لوبنان لە ڕاگەیاندراوێکدا ئاشکرای کرد لە هێرشێکی ئاسمانیی بۆ سەر باڵەخانەیەک لە شاری سەیدا هەشت کەسی دیکە کوژراون و نۆ کەسیش برینداربوون.